Ўзбекистон байроғи.

Юртим қуёшидек юзлари порлоқ
Бошим узра мағрур ҳилпирар байроқ.
Шавкатга, шукуҳга унданда бойроқ
Дунёда рамз йўқ, юрагимдан боқ.
Озод Ўзбекистон қалби мисоли –
Ёруғлик ва меҳрнинг гўё висоли.
Уни тутганларнинг кулар иқболи,
Саодат манзилин порлоқ тимсоли.
Кўнглим тоғдай ўсар юксалган сари
Сиёсат, илм-фан, спорту соҳалар бари
Илғорлар сафининг бўлиб сарвари
Ренессанс деганин сурар илгари.
Байроғим жаҳонда шонли ўтибдир,
Уни тутган қўллар тенгсиз ўзибдир,
Дилдора олқишлаб, шундай ёзибдир:
“Шонли ёшинг муборак, қутлуғ ўттиз бир!”