Россия Фанлар Академиясининг 300 йиллиги доирасида Россиянинг Нижний Новгород шаҳрида ўтказилган "Наука без границ" ёш олимлар форумида Ўзбекистон Республикасидан жами 20 нафар ёш олимлар иштирок этди.

Унда МДҲнинг 9 давлатидан, жумладан, Россия, Беларусь, Қозоғистон, Қирғизистон, Арманистон, Туркманистон, Ўзбекистон, Озарбайжон, Тожикистондан 384 нафар ёш олимлар қатнашдилар. Шунингдек, Черногория, Эрон Ислом Республикаси, Ҳиндистон, Хитой давлатларидан ҳам иштирокчилар таклиф этилган бўлиб, 384 нафар ёш олимлар орасида ўзининг иқтидори ва билими билан биринчи ўринни эгаллади.

Форум давомида ёш олимлар "Сунъий интеллект", "Келажак технологиялари”, "Янги материаллар", "Қулай муҳит", “Соғлом авлод", "Озиқ-овқат хавфсизлиги", "Соғломлаштириш" каби тўққизта илмий бўлимлар доирасида 250га яқин маърузаларини тақдим этишди.
Форум якунида форум иштирокчиларини тақдирлаш маросими ўтказилди ва 8 та йўналишда 3 тадан ўрин бўйича номзодлар ғолиб деб топилди ва тақдирланди.


Республикамиз ёш олимларидан Фанлар академияси Сейсмология институтидан "Иқлим ва экология" йўналишида Мамарозиков ТимурУмаржонович биринчи ўрин билан (Определение VsЗО по данным многоканального анализа поверхностных волн территории массива «Янги Андижон», Узбекистан), Андижон давлат тиббиёт институтидан "Соғлом авлод" йўналишида Мадумарова Зарнигор Шухрат қизи иккинчи ўрин билан (Усовершенствование ультразвуковой диагностики воспалительных и дегенеративных заболеваний тазобедренного сустава) ва Фискал институтидан "Маданий меъросни асраш" йўналишида Алимова Марина Ахроржоновна учинчи ўрин билан (Использование цифровых инструментов в обучении английскому языку) тақдирланди.