Madhiya matni<br><br>

Serquyosh, hur o‘lkam, elga baxt, najot,<br>

Sen o‘zing do‘stlarga yo‘ldosh, mehribon!<br>

Yashnagay to abad ilmu fan, ijod,<br>

Shuhrating porlasin toki bor jahon! <br>



Oltin bu vodiylar — jon O‘zbekiston,<br>

Ajdodlar mardona ruhi senga yor!<br>

Ulug‘ xalq qudrati jo‘sh urgan zamon,<br>

Olamni mahliyo aylagan diyor! <br>



Bag‘ri keng o‘zbekning o‘chmas iymoni,<br>

Erkin, yosh avlodlar senga zo‘r qanot!<br>

Istiqlol mash'ali, tinchlik posboni,<br>

Haqsevar, ona yurt, mangu bo‘l obod! <br>



Oltin bu vodiylar — jon O‘zbekiston,<br>

Ajdodlar mardona ruhi senga yor!<br>

Ulug‘ xalq qudrati jo‘sh urgan zamon,<br>

Olamni mahliyo aylagan diyor!<br>


<br><br><br>
Mutal Burxonov musiqasi<br>

Abdulla Oripov she'ri<br>