profile-image

O'ZBEKISTON RESPUBLIKASI FANLAR AKADEMIYASI

G'.O. MAVLONOV NOMIDAGI SEYSMOLOGIYA INSTITUTI




Seysmik xavf yuqori bo‘lgan zonalar kadastri

Noyob obyekt rahbari: Normo’minov Mirjahon Sherali o’g’li

Seysmik xavf yuqori bo‘lgan zonalar kadastrini shakillantirish va yuritish O‘zbekiston Respublikasi Vazirlar Mahkamasining 2005 yil 30 iyundagi 152-son qarori va uning 6-ilovasi asosida olib boriladi. Kadastr xizmatining keyingi yillardagi faoliyatining yuridik asoslari quyidagilardan iborat: - O‘zbekiston Respublikasi Yer resurslari, geodeziya, kartografiya va davlat kadastri davlat qo‘mitasining 2014 yil 12 sentabrdagi 12-sonli qarori; - O‘zbekiston Respublikasi Prezidentining 2020 yil 7 sentabrdagi «Yer hisobi va davlat kadastrlarini yuritish tizimini tubdan takomillashtirish chora-tadbirlari to‘g‘risida» gi PF-6061-son Farmoni; - O‘zbekistan Respublikasi Prezidentining 2020 yil 7 sentabrdagi PQ-4819-son qaroriga asosan Davlat kadastrlarini shakllantirish va Milliy geoaxborot tizimiga kiritish chora-tadbirlari.

Seysmik xavf yuqori bo‘lgan zonalar kadastri xizmatining vazifalari:

1. O‘zbekiston Respublikasi xududini seysmik xavfini baxolashga qaratilgan ilmiy, amaliy ishlanmalar, monitoring natijalarini jamlash, yagona tizimga keltirish va SXYuZK bazasiga kiritish;
2. ArcGIS dasturi asosida shakillantirilgan Seysmik xafi yuqori bo‘lgan zonalar kadastri tematik qatlamlarining atributiv jadvalini yangi ma’lumotlar bilan to‘ldirib borish;
3. Axborot texnologiyalari va kommunikatsiyalarini rivojlantirish vazirligi tomonidan davlat kadastrlarini yurituvchi vakolatli organlarni milliy geografik axborot tizimiga integratsiya kilinishini ta’minlash maksadida, Tabiiy xavfi yuqori bo‘lgan zonalar davlat kadastrining Seysmik xavf yuqori bo‘lgan zonalar kadastri bilan uzluksiz ma’lumotlar almashinuvini ta’milanishi bo‘yicha Texnik yo‘riqnoma ishlab chiqish va vakolatli organlar bilan imzolash va integratsiyani yo‘lga qo‘yish;
4. Favqulodda vaziyatlar vazirligi Seysmoprognostik monitoring respublika markazi tasarrufidagi ma’lumotlar bazasidan, sodir bo‘lgan kuchli zilzilar, monitoring natijalarini kadastr bazasiga kiritish;
5. Kuzatuv stansiyalarida qo‘llanilayotgan asbob va uskunalar xaqidagi ma’lumotlar bazasini yangilab borish;
6. Respublikaning 8-9 balli zonalarda joylashgan yirik shaxarlari va axoli punktlari xududlarini seysmik mikrorayonlashtirish ishlari natijalarini kadastr tizimiga sistematik ravishda kiritib borish.