LABORATORIYANING ASOSIY ILMIY YO‘NALISHLARI
O‘zbekiston Respublikasida olib borilayotgan keng qamrovli seysmologik va seysmoprognostik monitoring natijalarini kompleks tahlil qilish; seysmologik va seysmoprognostik monitoring natijalarini kompleks tahlil qilishning ilg‘or texnologiyalarini o‘rganish va tatbiq etish; Kuzatilayotgan geologik-geofizik maydonlar parametrlarida zilzila bilan bog‘liq darakchi o‘zgarishlarni ajratib olish usullarini yaratish va mavjudlarini takomillashtirish.
LABORATORIYANING VAZIFALARI
Favqulodda vaziyatlar vazirligi Seysmoprognostik monitoring Respublika markazi, tegishli laboratoriyalar tomonidan olib borilayotgan seysmik va seysmoprognostik monitoring natijalarini kompleks tahlil qilish; kuzatuv natijalaridan darakchi sifatidagi anomal o‘zgarishlarni zamonaviy matematik apparatlar yordamida ajratish, ishonchlilik darajasini baholash; anomal o‘zgarishlar ko‘rsatkichlarini zilzilalarni tayyorlanishi va sodir bo‘lishining mavjud modellari bilan solishtirib tahlil qilish; darakchi sifatidagi anomal o‘zgarishlarni dinamikasini nazorat qilib borish va zilzilaning sodir bo‘lishini ehtimoliy baholash; respublika va viloyatlar hududlarini seysmik vaziyatini yillik, chorak, oylik va haftalik vaqtlar kesimida baholab borishda ishtirok etish; Seysmolgiya instituti va FVV Seysmoprognostik monitoring Respublika markazi xodimlaridan iborat “Seysmik vaziyatni baholash va yaqin kelajakdagi seysmik vaziyatni prognoz qilish bo‘yicha Idoralararo ekspert komissiyasi” majlislariga tahliliy ma’lumotlar tayyorlash; Seysmoprognostik monitoring Respublika markazi va Seysmolgiya instituti laboratoriyalari tomonidan olib borilayotgan seysmik kuzatuv natijalarini umumlashtirish, yagona tizimga keltirish va respublika va unga yondosh hududlarda sodir bo‘lgan zilzilalar yagona katalogini shakllantirish.
SO‘NGI YILLARDAGI OLINGAN ASOSIY ILMIY NATIJALAR
Gidrogeoseysmologik kuzatuvlarni o'tkazish bo'yicha uslubiy qo'llanma yaratildi va Favqulodda vaziyatlar vazirligi Seysmoprognostik monitoring Respublika markaziga amaliyotda foydalanish uchun tatbiq qilindi. Seysmologik va seysmoprognostik monitoring natijalarini statistik va ekspert usullari orqali tahlil qilish algoritmlari va dasturiy ta'minotlari yaratildi. Seysmologik va seysmoprognostik monitoring natijalarini T.Rautian usulida zilzilaning ta’sir etish masofasi avtomatik aniqlash hamda statistik va ekspert usullari orqali tahlil qilish uchun SPM Visualizer +P dasturi yaratildi. O'zbekiston Respublikasi Prezidentining 2022 yil 30 maydagi PFQ-144-sonli qarori 12.3 bandiga muvofiq Favqulodda vaziyatlar vazirligi Seysmoprognostik monitoring Respublika markaziga gidrogeoseysmologik kuzatuvlarni o‘tkazish uchun 6 ta skvajinalar tanlab olindi va taqdim etildi.

Hamkorlik uchun aloqalar!
Tel: +998 93 001 64 41
+998 97 434 74 27
E-mail: tuichiev.1960@mail.ru
alisher.rasulov196208@gmail.com