Geoinformatika va sun’iy intellekt laboratoriyasi

Laboratoriya O‘zbekiston Respublikasi Prezidentining 2025-yil 27-dekabrdagi PQ-390-son qarorida belgilangan vazifalarni bajarish doirasida 2026-yil mart oyida tashkil etilgan.

• Geoinformatika va sun’iy intellekt sohasida fundamental va amaliy ilmiy tadqiqotlar olib borish.
• Mashinali o‘rganishning fizik axborotli modellarida foydalanish uchun Markaziy Osiyo, jumladan O‘zbekiston yer qobig‘ining kuchlanganlik holatining matematik modellarini yaratish.
• Kuchli zilzilalarni o‘rta va uzoq muddatli prognoz qilishda sun’iy intellektni qo‘llash.
• Forshoklarni bashorat qilish, kuchsiz silkinishlarni aniqlash hamda sun’iy intellekt yordamida kuchli zilzilalarning vaqtini va joyini prognoz qilish.
• Zilzilalarni prognoz qilish uchun kosmik suratlar va sensor ma’lumotlari kombinatsiyasini sun’iy intellekt yordamida tahlil qilish.

• Sun’iy intellekt usullari yordamida kuchli zilzilalar sodir bo‘lishi mumkin bo‘lgan hududlarni baholash uchun mavjud ma’lumotlar bazalarini to‘plash.
• Geoma’lumotlar bazalarini yaratish va ularni mashinali o‘rganishda foydalanish uchun moslashtirish.
• Yoriq zonalarida kuchsiz signallarni aniqlash uchun mashinali o‘rganish algoritmlarini ishlab chiqish.
• Zilzilalar bilan bog‘liq geologik-geofizik maydonlarining darakchi parametrlarini ajratish usullarini takomillashtirish va ularni mashinali o‘rganishga mos formatga keltirish.
• Geologik-geofizik parametrlar asosida kuchli zilzilalarni prognoz qilish uchun mavjud mashinali o‘rganish algoritmlarini moslashtirish.
• Kichik tanlanmalar va mashinali o‘rganish prognoz modellarining interpretatsiyasi muammolarini tadqiq qilish.
• Mutaxassislarni tayyorlash hamda xalqaro grantlar va ilmiy loyihalarda ishtirok etish.