LABORATORIYANING ASOSIY ILMIY YO‘NALISHLARI

 Kuchli zilzilalarda dispers gruntlarda quyqalanish xossalarini o‘rganish;
 Gruntlarning statik va dinamik xossalarini hisobga olgan holda “grunt-inshoot” tizimini o‘rganish;
 Viloyat, shahar va tuman markazlarini seysmik mikrohududlashtirish;
 Grunt sharoitlarini hisobga olgan holda qurilish maydonlarining hisobiy seysmikligini aniqlash.


LABORATORIYANING VAZIFALARI:

 Dispers gruntlarda tarqalgan maydonlarda kuchli zilzilalar sodir bo‘lganda quyqalanish bilan bog‘liq gruntlarning dinamik holatini baholash;

 Gruntlarning statik va dinamik parametrlarini hisobga olgan holda erkin yuzada va “grunt-inshoot” tizimida seysmik tebranish ko‘rsatkichlarini tadqiq qilish;

 Muhandis-geologik va grunt sharoitlarini hisobga olgan holda qurilish maydonlarining hisobiy seysmikligini aniqlash;

 Seysmik qidiruv va instrumental tadqiqotlar asosida seysmik mikrohududlashtirish tadqiqotlarini amalga oshirish.


SO‘NGI YILLARDAGI OLINGAN ASOSIY ILMIY NATIJALAR:

O‘zbekiston Respublikasi Prezidentining 2022-yil 30-maydagi PF-144-sonli Farmonining 39.1-bandida hamda O’zbekiston Respublikasi Prezidentining 2023-yil 16-maydagi PQ-158-sonli Qarorining 7-bandlarida keltirilgan “Andijon, Namangan, Farg’ona, Toshkent, Guliston, Nurafshon, Jizzax, Samarqand, Qarshi, Termiz, Buxoro, Navoiy, Nukus, Urganch, Zarafshon, Shahrisabz, Kattaqo’rg’on, Quvasoy, Xiva, Qo’qon, Angren, Kogon, Marg’ilon, Xonobod, Ohangaron, Shirin” shaharlarining raqamlashtirilgan seysmik mikrohududlashtirish xaritalari ishlab chiqilgan.

“Grunt-inshoot” tizimining seysmik tebranishlari xususiyatlarini tadqiq qilish va zilzila ta’sirini kamaytirish usullarini ishlab chiqish” mavzusidagi amaliy loyihasi doirasida binolar poydevorlari sayoz, chuqur va qoziqli toifalarga ajratilgan. “grunt-inshoot” tizimi va “erkin maydon” o‘rtasidagi o‘zaro ta’sirini o‘rganilgan.

Hamkorlik uchun aloqalar!
Tel: +998 97 477 04 76
+998 94 659 01 92
E-mail: yadigarov1987@mail.ru
j.bozorov1968@gamil.com